राज्यातील जिल्हा परिषदा - पंचायत समिती निवडणुकांसाठी मतदार यादीचा कार्यक्रम जाहीर (Voter list program announced for Zilla Parishad - Panchayat Samiti elections in the state)
वृत्तसेवा :- राज्यातील 32 जिल्हा परिषदा आणि 336 पंचायत समित्यांच्या सार्वत्रिक निवडणुकांसाठी राज्य निवडणूक आयोगाने मतदार यादीचा कार्यक्रम जाहीर केला आहे. यानुसार प्रारुप मतदार यादीवर हरकती व सूचना दाखल करण्याची कालावधी 8 ते 14 ऑक्टोबर 2025 असेल. मतदार याद्यांमध्ये विधानसभा मतदार यादीप्रमाणेच नाव व पत्ते कायम ठेवले जातात. नवीन नावांचा समावेश, नावे वगळणे किंवा पत्त्यात दुरुस्ती यासारख्या बदलासाठी केवळ हरकती व सूचनांचा वापर केला जाईल. या प्रक्रियेत मुख्यतः लेखनिकांकडून झालेल्या चुका, प्रभागाच्या यादीत नाव नसणे किंवा निर्वाचक गणनेतील त्रुटी दुरुस्त केल्या जातील.
राज्य निवडणूक आयोगाने 1 जुलै 2025 हा अधिसूचित दिनांक निश्चित केला असून, त्या दिवशी अस्तित्वात असलेली विधानसभेची मतदार यादी (Voter List) या निवडणुकांसाठी वापरण्यात येईल. जिल्हा परिषद व पंचायत समिती निवडणुकीसाठी प्रारुप (ZP And Panchayat Samiti) मतदार यादी 8 ऑक्टोबर 2025 रोजी प्रसिद्ध होईल. या यादीवर हरकती व सूचना दाखल केल्यानंतर अंतिम मतदार यादी 27 ऑक्टोबर 2025 रोजी जाहीर (Elections 2025) केली जाईल. राज्य निवडणूक आयोगाचे हे पाऊल निवडणूक प्रक्रियेत पारदर्शकता आणि लोकशाहीतर्फे सहभाग सुनिश्चित करण्यासाठी महत्त्वाचे ठरणार आहे. मतदार यादीतील हरकती व सूचना दाखल करण्यासाठी नागरिकांनी आपला अधिकार वेळेत वापरण्याचे आवाहन केले आहे.
संपादक :- दिपक चरणदास भगत, (विद्याश न्युज), मो. 9421717068
टिप्पणी पोस्ट करा
0टिप्पण्या