१६ ऑक्टोबरला " धम्मचक्र अनुवर्तन दिना " निमित्ताने सार्वजनिक सुट्टी जाहीर करा : खासदार प्रतिभा धानोरकर यांची प्रशासनाला ठाम मागणी (Declare a public holiday on October 16th on the occasion of "Dhamma Chakra Anuvartan Day": MP Pratibha Dhanorkar's strong demand to the administration)
चंद्रपूर :- रक्ताचा एकही थेंब न सांडता चंद्रपूर येथील दीक्षाभूमीवर महामानवाच्या एका शब्दावर १६ ऑक्टोबर १९५६ रोजी लाखो अनुयायांनी बौद्ध धम्माची दीक्षा घेतली हा दिन चंद्रपूर शहराच्या इतिहासात एक अविस्मरणीय क्षण म्हणून नोंदविला गेला यानिमित्ताने दरवर्षी बौद्ध अनुयायांना दीक्षाभूमीवर अस्थीकलशचे दर्शन घेता यावे म्हणून जिल्हाधिकारी सुट्टी घोषित करायचे मात्र यावर्षी नकळतपणे की हेतूपूरसर सुट्टी घोषित केली गेली नाही या अनुषंगाने चंद्रपूरच्या ऐतिहासिक दीक्षाभूमीवर १६ ऑक्टोबर १९५६ रोजी भारतरत्न डॉ. बाबासाहेब आंबेडकर यांनी लाखो अनुयायांना बौद्ध धम्माची दीक्षा देऊन सामाजिक क्रांतीचा नवा अध्याय सुरू केला होता. तथापि, या दिवशी सार्वजनिक सुट्टी नसल्याने लाखो अनुयायांच्या धार्मिक आणि सामाजिक भावनांना धक्का पोहोचत असल्याचे कारण देत, खासदार प्रतिभा धानोरकर यांनी नागपूर विभागीय आयुक्तांकडे १६ ऑक्टोबरला चंद्रपूर जिल्ह्यासाठी सार्वजनिक सुट्टी जाहीर करण्याची ठाम मागणी केली आहे. हा विषय लाखो लोकांच्या श्रद्धा आणि सामाजिक भावनांशी निगडीत आहे. त्यामुळे प्रशासनाने सहानुभूतीपूर्वक विचार करून या ऐतिहासिक दिवसाला सार्वजनिक सुट्टी घोषित करावी, अशी आग्रही मागणी खासदार धानोरकर यांनी केली आहे.
टिप्पणी पोस्ट करा
0टिप्पण्या