चंद्रपूर लोकसभा मतदार संघाच्या निवडणुकी साठी एकूण 67.57 टक्के मतदान, 3% मतदानात वाढ झाल्याचा सूत्रांचा दावा (Sources claim that total voter turnout for the Chandrapur Lok Sabha constituency election is 67.57 percent, an increase of 3% over 2019.)

चंद्रपूर लोकसभा मतदार संघाच्या निवडणुकी साठी एकूण 67.57 टक्के मतदान, 3% मतदानात वाढ झाल्याचा सूत्रांचा दावा (Sources claim that total voter turnout for the Chandrapur Lok Sabha constituency election is 67.57 percent, an increase of 3% over 2019.)

चंद्रपूर :- 13 – चंद्रपूर लोकसभा मतदारसंघाच्या निवडणुकीसाठी एकूण 67.57 टक्के मतदान झाल्याची सूत्रांची माहिती मिळत आहे.19 एप्रिल 2024 रोजी सकाळी 7 ते सायंकाळी 6 या वेळेत घेण्यात आलेल्या निवडणुकीसाठी 67.57 टक्के मतदारांनी आपल्या मतदानाचा हक्क बजावला. विशेष म्हणजे गत आठवड्यापासून जिल्ह्यात उन्हाचा तडाखा 43 अंशावर असतांनासुध्दा मतदारांनी भरघोस प्रतिसाद देत मतदानाचे कर्तव्य पार पाडले. त्यामुळेच 2019 च्या तुलनेत 2024 च्या निवडणुकीत तीन टक्क्यांची वाढ झाली आहे. चंद्रपूर लोकसभा मतदारसंघात एकूण 18 लक्ष 37 हजार 906 मतदार आहे. यात 9 लक्ष 45 हजार 736 पुरुष मतदार, 8 लक्ष 92 हजार 122 स्त्री मतदार तर 48 इतर मतदार आहेत. यापैकी 6 लक्ष 58 हजार 400 पुरुष मतदारांनी (69.62 टक्के), 5 लक्ष 83 हजार 541 स्त्री मतदारांनी (65.41 टक्के) तर 11 इतर नागरिकांनी (22.92 टक्के) असे 12 लक्ष 41 हजार 952 (67.57 टक्के) मतदारांनी मतदान केल्याचे जिल्हा प्रशासनाने कळविले आहे. शुक्रवारी झालेल्या लोकसभा निवडणुकीसाठी राजूरा विधानसभा मतदार संघात 70.09 टक्के, चंद्रपूर 58.43 टक्के, बल्लारपूर 68.36 टक्के, वरोरा 67.73 टक्के, वणी 73.24 टक्के तर आर्णि विधानसभा मतदारसंघात 69.52 टक्के मतदान झाले.

संपादक :- दिपक चरणदास भगत, (विद्याश न्युज), मो. 9421717068