धारदार शस्त्राचा धाक दाखवून वरोरा येथे प्रेमी युगलाला लुटले, दोन व्यक्तीविरुद्ध गुन्हा दाखल (A couple was robbed in Warora by threatening them with sharp weapons, a case was registered against two persons)
वरोरा :- धारदार शस्त्राच्या धाकावर प्रेमी युगुलाला ६ हजार ८०० रुपये लुटणाऱ्या दोन तरुणांविरुद्ध वरोरा पोलिसांनी गुन्हा दाखल करून त्यांचा शोध सुरू केला आहे. सदर घटना १८ जानेवारी ला दुपारी ४ वाजता चंद्रपूर नागपूर महामार्गावरील वरोरा येथून ४ किमी अंतरावर असलेल्या महाकाली कॉलनीजवळ घडली. निखिल सुभाष तुरणकर (२६) रा. आनंदवन चौक, वरोरा हा छत्रपती चौक, वणी येथे असलेल्या बजाज फायनान्स कंपनीच्या विक्री विभागात कार्यरत आहे. त्याचा मित्र प्रेम गोहणे याच्या नातेवाईकाला फायनान्सवर दुचाकी खरेदी करायची होती. दुपारी ४ वाजता काळ्या रंगाच्या पल्सर वर ३० व ३५ वयोगटातील दोन तरुण आले. ते घटनास्थळी पोहोचताच दोन तरुणांपैकी एकाने निखिलच्या गालावर चापट मारून त्याच्या खिशातील १ हजार ८०० रुपये हिसकावले. हे बघताच आजूबाजूला बसलेले प्रेमी युगुल पसार झाले. यानंतर त्यांनी दोघांकडे आणखी पैशांची मागणी सुरू केली असता, त्यांनी आपल्याकडे पैसे नसल्याचे सांगितले. हे ऐकून एका तरुणाने पल्सरमध्ये ठेवलेले धारदार शस्त्र काढून निखिलच्या पोटावर ठेवले आणि पैशाची मागणी करू लागला. या अनपेक्षित घटनेने निखिल आणि मुलगी खूपच घाबरले होते पण दोघेही सोडायला तयार नव्हते. त्यामुळे रोख रक्कम नसल्याने निखिलने फोन नंबर देण्यास सांगितले. त्यानंतर एका तरुणाने मोबाईल स्कॅनर दाखवला आणि त्यात निखिलने ५ हजार रुपये ट्रान्सफर केले. तेथून निघताना दोन्ही तरुणांनी कोणाला सांगितल्यास जीवे मारण्याची धमकी दिली. घाबरलेल्या निखिलने वरोरा पोलिस ठाण्यात तक्रार दाखल केली. ज्यामध्ये स्कॅनरमध्ये सूरज बालाजी गहाणे हे नाव दिसले होते आणि त्याने आपल्या सहकाऱ्याला गोलू असे संबोधित केले होते. निखिलच्या तक्रारीवरून वरोरा पोलिसांनी सूरज गोहणे आणि गोलू यांच्याविरुद्ध कलम ३ (५), ३१२, ३५१ (१) अन्वये गुन्हा दाखल केला आहे. पुढील तपास वरोरा पोलीस स्टेशन चे ठाणेदार अजिंक्य तांबे यांच्या मार्गदर्शनाखाली पोलीस हवालदार अमोल नवघरे करीत आहेत.
संपादक :- दिपक चरणदास भगत, (विद्याश न्युज), मो. 9421717068
टिप्पणी पोस्ट करा
0टिप्पण्या