बल्लारपूरात महामानव डॉ. बाबासाहेब आंबेडकर यांच्या महापरीनिर्वाण दिनानिमित्त विनम्र अभिवादन (Ballarpur Greetings on the occasion of Mahaparinirvana Day of Dr. Babasaheb Ambedkar)

बल्लारपूरात महामानव डॉ. बाबासाहेब आंबेडकर यांच्या महापरीनिर्वाण दिनानिमित्त विनम्र अभिवादन (Ballarpur Greetings on the occasion of Mahaparinirvana Day of Dr. Babasaheb Ambedkar)

बल्लारपूर :- भारतीय राज्यघटनेचे शिल्पकार, बोधिसत्व, भारतरत्न डॉ. बाबासाहेब आंबेडकर यांच्या ६८ व्या महापरिनिर्वाण दिनानिमित्त बल्लारपुरातील प्रशासकीय कार्यालय, शाळा महाविद्यालय शासकीय निमशासकीय कार्यालय, संघटना, राजकीय पक्ष व पदाधिकारी तसेच शहरातील नागरिकांनी बाबासाहेब आंबेडकर यांना विनम्र अभिवादन करण्यात आले. अनुयायांनी डॉ. बाबासाहेब आंबेडकर यांच्या पुतळ्याला पुष्पहार अर्पण करून अभिवादन केले. रात्रीच्या सुमारास मुख्य मार्गाने कॅन्डल मार्च काढून येथील डॉ. बाबासाहेब आंबेडकर यांच्या पुतळ्यासमोर नतमस्तक झाले. डॉ. बाबासाहेब आंबेडकर यांच्या महापरिनिर्वाण दिनानिमित्त शहरातील वार्डावार्डात बुध्दविहारामध्ये महामानवाला अभिवादन करून बुद्धवंदना घेण्यात आली. त्यानंतर बाबासाहेबांच्या पुतळ्याला अभिवादन करण्याकरीता लहान मुले, महिला, युवक यांच्याबरोबरच ज्येष्ठ नागरिक पांढरे वस्त्र परिधान करून बाबासाहेबांच्या पुतळ्याजवळ एकवटले होते. सायंकाळी हजारो भीमसैनिक शहराच्या वेगवेगळ्या भागातून मिरवणुकीने बाबासाहेबांच्या पुतळ्याजवळ येऊन मेणबत्ती लावून नतमस्तक लावून भावपूर्ण आदरांजली अर्पण केली. यावेळी मैत्रेय बुध्द विहार, अवित्तम बोद्ध मंडल, तथागत बुध्द विहार, त्रिशरण बुध्द विहार, लुबिनी बुध्द विहार, रमाई बुध्द विहार, वैशाली बुध्द विहार, असित बुध्द विहार, विश्वशांती चौक, आम्रपाली बौध्द मंडल, सातखोली, महाप्रज्ञा बुध्द विहार, आम्रपाली बुध्द विहार, सिद्धार्थ बुध्द विहार, डॉ. बाबासाहेब आंबेडकर वाचनालय, घुग्गुस फैल, डॉ. बाबासाहेब आंबेडकर भवन तसेच शहरातील अनेक बुध्द विहार व मंडळानी अभिवादन केले.

               याप्रसंगी बल्लारपूर पोलीस प्रशासनातर्फे पोलीस निरीक्षक सुनील गाडे यांनी डॉ. बाबासाहेबांच्या पुतळ्याला पुष्पहार अर्पण करून आदरांजली अर्पण करण्यात आली. या वेळी महिला पोलीस उपनिरीक्षक मिनल कापगते उपस्थित होते. तसेच पोलीस निरीक्षक सुनील गाडे यांनी एक वही एक पेन आंबेडकरी युथ संघटने तर्फे विद्यार्थ्यांकरीता एक वही एक पेन राबवित असलेल्या उपक्रमाची प्रसंशा केली. नगर परिषद बल्लारपूरच्या वतीने उपमुख्याधिकारी संगीता उमरे यांनी पुष्पहार अर्पण करून आदरांजली वाहिली. या वेळी नगर परिषदचे योजना अधिकारी अक्षय राऊत, कार्यालयीन अधीक्षक नंदकिशोर सातपुते, साठा प्रमुख धामनगे, कर निरीक्षक मोनाली वांढरे, सुशीला पावडे, सुमित मोरे, किशोर डाखरे, वर्षा जांभूळकर सह अधिकारी कर्मचारी उपस्थित होते. बल्लारपूर शहर काँग्रेस कमिटीच्या वतीने शुक्रवारी माजी नगराध्यक्ष घनश्याम मुलचंदानी यांच्या उपस्थितीत बाबासाहेब आंबेडकर यांना आदरांजली वाहण्यात आली. यावेळी सर्वप्रथम उपस्थित काँग्रेस पक्षाच्या नेत्यांच्या हस्ते बाबासाहेब आंबेडकर यांच्या प्रतिमेला पुष्पअर्पण करण्यात आले. यावेळी माजी गटनेते देवेंद्र आर्य, इस्माईल ढाकवाला, नरसिंह रेब्बावार, नाना बुंदेल, भास्कर माकोडे, अनिल खरतड, मेघा भाले, रेखा रामटेके, नरेश आनंद, यांच्यासह काँग्रेस पक्षाचे नेते व कार्यकर्ते उपस्थित होते. भारतीय जनता पार्टी तर्फे चंदेल सिंह चंदेल माजी अध्यक्ष वन विकास महामंडळ यांचे हस्ते बाबासाहेबांना आदरांजली वाहण्यात आली. या वेळी भाजपा शहर अध्यक्ष काशीनाथ सिंह, सतविंदर सिंग दारी, समीर केने, विकास दूपारे, राजू दासरवार सह आदी कार्यकर्ते उपस्थित होते. यासोबतच वंचित बहुजन आघाडी, बहुजन समाज पार्टी, समता सैनिक दल, भारतीय बौध्द महासभा, रिपब्लिकन पार्टी ऑफ इंडिया तसेच विविध राजकीय पक्षाच्या वतीने महामानवाला अभिवादन करण्यात आले.

संपादक :- दिपक चरणदास भगत, (विद्याश न्युज), मो. 9421717068