आधी लोकशाहीचा उत्सव, मग लग्नसोहळा, लग्नापूर्वीच मतदाराने बजावला मतदानाचा हक्क (First the celebration of democracy, then the wedding, the voter exercised his right to vote even before the wedding)
आज देशभरात लोकसभा निवडणुकीच्या पहिल्या टप्प्यातील मतदानास सुरूवात झाली आहे. देशात पहिल्या टप्प्यासाठी 102 जागांवर मतदान होत आहे. महाराष्ट्रातही पहिल्या टप्प्यातील मतदान सुरू झाले आहे. राज्यात लोकसभेच्या 48 जागांसाठी एकूण पाच टप्प्यांमध्ये मतदान होणार आहे. रामटेक. नागपूर, चंद्रपूर, गडचिरोली-चिमूर आणि भंडारा-गोंदिया या पाच मतदारसंघात पहिल्या टप्प्यासाठी मतदान होत आहे. आज सकाळी नितीन गडकरी, प्रतिभा धानोरकर, प्रफुल पटेल, राजू पारवे, मोहन भागवत, चंद्रशेखर बावकुळे, विकास ठाकरे यांसारख्या नेत्यांनी मतदानाचा हक्क बजावला. जास्तीत जास्त नागरिकांनी घराबाहेर पडून मतदानाचे कर्तव्य पार पाडावे असे आवाहन नेत्यांनी केले. त्यातच रामटेकमध्ये एका तरूण मतदाराने सर्वांचं लक्ष वेधून घेतलं. अंगात शेरवानी, डोक्यावर पगडी, कपाळाला मुंडावळ्या अशा वेशातील एक तरूण मतदान केंद्रावर आला आणि सर्वांच्या नजरा त्याच्याकडेच वळल्या. स्वप्नील डांगरे असे त्या तरूणाचे नाव असून लग्न मंडपात जाण्यापूर्वी तो मतदान केंद्रावर आला, अन् तेथे त्याने मतदानाचा हक्क बजावला. योग्य लोकप्रतिनिधी निवडण्यासाठी आपण मतदान केलं असं स्वप्नीलने आवर्जून सांगितल. जास्तीत जास्त लोकांनी मतदानाचा हक्क बजावावा असं आवाहनही त्याने नागरिकांना केलं. नवरदेवाचा हा उत्साह पाहून लोकं त्याचे कौतुक करत आहेत. रामटेकमध्ये महायुतीचे राजू पारवे विरुद्ध महाविकास आघाडीचे श्यामकुमार बर्वे अशी लढत आहे.
संपादक :- दिपक चरणदास भगत, (विद्याश न्युज), मो. 9421717068
Post a Comment
0Comments