अबब जिल्ह्यात अशीही एक अफलातून बँक जी विद्यार्थ्यांकडून विद्यार्थ्यांसाठी चालविली जाते There is also an Aftaloon bank in district which is run by students for students

अबब जिल्ह्यात अशीही एक अफलातून बँक जी विद्यार्थ्यांकडून विद्यार्थ्यांसाठी चालविली जाते There is also an Aftaloon bank in district which is run by students for students

चंद्रपूर :- चंद्रपूर जिल्हा विविधतेने नटलेला असून ऐतिहासिक स्मारकासह ताडोबा-अंधारी व्याघ्र प्रकल्प व वन वैभवाने नटलेला असून महाराष्ट्राच्या पूर्व सीमेवर असलेल्या या जिल्ह्याने राज्यात एक नवी ओळख निर्माण केली आहे. जिथे शाळांचं खाजगीकरणं होत असतांना व मराठी शाळा ओस पडत असतांना चंद्रपूर जिल्ह्यात अशी एक शाळा व त्यातील अशी एक अफलातून बँक जी विद्यार्थ्यांकडून विद्यार्थ्यांकरिता चालविली जाते. चंद्रपूर जिल्ह्यातील वरोरा तालुक्यातील दादापुर या गावात जिल्हा परिषद शाळेत विद्यार्थ्यांनी स्वतः करिता अफलातून अशी बँक उभारली जिथे व्यवस्थापक, रोखपाल व लिपिक सारख्या भूमिका या विद्यार्थीच पार पाडतात ही बँक दर बुधवार व शनिवारला सुरु असल्याची  माहिती आहे. 

       विशेष म्हणजे या बँकेची स्थापना शाळेचे मुख्याध्यापक श्री निमजे सर व श्री हजारे सर यांच्या संकल्पनेतून फरवरी 2020 मध्ये झाली मात्र कोरोना संक्रमणाचा काळानंतर या बँकेने ओघ पकडला या बँकेत 1 ली ते 4 थी पर्यंतच्या जवळपास 46 विद्यार्थ्यांचे बँक खाते असून सद्यस्थितीत विद्यार्थ्यांच्या बँक खात्यात जवळपास 46,000/- रु जमा आहेत सदर बँकेच्या दैनंदिन व्यवहारची माहिती व हिशोब विद्यार्थी मुख्याध्यापकांना सादर करतात. विशेष म्हणजे विद्यार्थी शैक्षणिक साहित्य पेन्सिल नोटबुक, शाळेतूनच घेत असतात. यातून विद्यार्थी हा स्वावलंबी व व्यावहारिक विद्यार्थी घडविण्याचा उपक्रम  दादापुर येथील शाळा करीत आहे.

संपादक :- दिपक चरणदास भगत, (विद्यांश न्युज), मो. 9421717068