रायगडावर होणार चंद्रपुरातील शिवकालीन नाण्याच पूजन Coins of Shiva period from Chandrapur will be worshiped at Raigad

रायगडावर होणार चंद्रपुरातील शिवकालीन नाण्याच पूजन Coins of Shiva period from Chandrapur will be worshiped at Raigad

चंद्रपूर :- रायगडावर होणार्‍या श्री. शिवछत्रपतींच्या 350 व्या सोहळ्यात चंद्रपूर येथील नाणी संग्राहक आणि अभ्यासक अशोकसिंह ठाकूर यांच्या खाजगी संग्रहातील छत्रपतींच्या 3 सुवर्ण होनांचे पूजन करण्यात येणार असून, ही चंद्रपुरकरांसाठी अभिमानाची बाब आहे. श्री. शिवछत्रपतींचा 350 वा राज्याभिषेक सोहळा रायगड किल्ल्यावर (जेष्ठ शुद्ध त्रयोदशी) 2 जूनला पार पडत आहे. या सुवर्णक्षणाचे औचित्य साधून यावर्षी शिवछत्रपतींचे 3 सुवर्ण होन व एक अर्ध्या सुवर्ण होनाचे म्हणजेच एकूण साडेतीन सुवर्ण होनांचे पूजन तथा शिवछत्रपतींना अभिषेक होणार आहे. यात 3 अस्सल शिवराई होन, तर एक तंजावर छत्रपतींनी टंकित केलेले फनाम नाणे असणार आहे. यातील 3 सुवर्ण शिवराई होन हे चंद्रपुरातील अशोकसिंह ठाकूर यांच्या खाजगी संग्रहातील आहे. सुवर्ण शिवराई होन अत्यंत दुर्मिळ असल्याने बघायला मिळणे कठीण आहे. पण या सुवर्णदिनी अशा अस्सल 3 सुवर्ण होनांचे पूजन होणार आहे. आजपर्यंतच्या इतिहासात हा क्षण प्रथमच येत असल्याचे अशोकसिंह ठाकूर यांनी सांगितले.

संपादक :- दिपक चरणदास भगत, (विद्यांश न्युज), मो.9421717068