बल्लारपूर-आलापल्ली मार्गांवर कॉम्प्युटर दुकानाला शॉट सर्किट मुळे आग, मोठे आर्थिक नुकसान झाल्याचा अंदाज, अग्निशमन विभागाच्या तत्परतेने आगीवर नियंत्रण (Fire at computer shop on Ballarpur-Alapally road due to short circuit, heavy financial loss estimated, fire department promptly brought the fire under control)
बल्लारपूर :- बल्लारपूर शहरातील मुख्य मार्गावरील गुरुद्वारा लगत असलेल्या दुर्गा माता बंगाली समाज कॉलनी परिसरात कॉम्प्युटर दुकानाला भीषण आग लागून दुकान पूर्णपणे जळून खाक झाले असून या भीषण आगीत दुकानाचे जवळपास दहा लाखाचे नुकसान झाल्याचा अंदाज वर्तविण्यात येत आहे. या संदर्भात अधिक माहिती नुसार आज सकाळी १०.३० वाजताच्या सुमारास मुख्य मार्गावरील दुर्गामाता मंदिर जवळील सचिन बावणे यांच्या मालकीचे प्रभू कॉम्प्युटर ला शॉर्ट सर्किटमुळे आग लागली. ही आग नागरिकांचा लक्षात येताच त्यांनी अग्निशामक दलाला पाचारण केले. वेळीच अग्निशमन दलाने आगीवर नियंत्रण केले. दुकानाच्या मागच्या बाजूला नागरी वस्ती असून वेळीच अग्निशमन दलाचे जवान यांनी आग आटोक्यात आणण्यासाठी धावपळ केली या आगीत कॉम्प्युटर दुकानातील २५- ३० कॉम्प्युटर, लॅपटॉप तसेच दुरुस्ती करीता ग्राहकाचे १५- २० कॉम्प्युटर व लॅपटॉप तसेच कॉम्प्युटर ला लागणारे सामान जळून खाक झाल्याची अंदाज व्यक्त करण्यात येत आहे.
संपादक :- दिपक चरणदास भगत, (विद्याश न्युज), मो. 9421717068
Post a Comment
0Comments