बल्लारपुरात ऑटो चालका कडुन तरुणीचा विनयभंगाचा प्रयत्न, पोलिसात तक्रार दाखल पुढील तपास सुरु (In Ballarpur, an auto driver attempted to molest a girl, a complaint was filed with the police, further investigation is underway)
बल्लारपूर :- बल्लारपूर शहरातील स्थानिक बसस्थानक परिसरात असलेल्या गोपाळा सुपर मार्केटमध्ये जाणाऱ्या एका 23 वर्षीय तरुणीला विसापूर येथे टोमॅटो आणण्याचा बहाण्याने घेऊन आटो चालकाने विनयभंग करण्याचा प्रयत्न केल्याची धक्कदायक घटना काल रविवार दिनांक 2 एप्रिल 2023 ला उघडकीस आली आहे. त्या तरुणीच्या तक्रारीवरून बल्लारपूर पोलिसांनी 354 (अ) अन्वये गुन्हा दाखल केला आहे. या संदर्भातील अधिक माहितीनुसार स्थानिक भगतसिंग वार्ड येथील रहिवासी असलेला 23 वर्षीय ऑटो चालक, एमएच 34-2154 क्रमांकाच्या ऑटोचालकाला एका तरुणीने हात दाखवून ऑटो थांबवला आणि बसस्थानक परिसरात जाण्यासाठी बसली,थोडे अंतर गेल्यावर ऑटोचालकाने बल्लारपूर-विसापूर रस्त्याच्या कडेला असलेल्या शेतातून टोमॅटो आणण्यास सांगून तरुणीला शेत शिवारात नेले व शेतातील निर्जनस्थळ पाहून त्याने ऑटो थांबवला आणि मुलीचा विनयभंग करण्याचा प्रयत्न केला, मात्र मुलीने विरोध केला आणि आरडाओरडा केल्यावर तो तरुण मुलीला सोडून ऑटो घेऊन पळून गेला. या घटनेनंतर सदर मुलगी ही पोलीस स्टेशनमध्ये पोहोचल्यानंतर तक्रार दाखल केली, या तक्रारी वरुन तपास सुरू केला असून या प्रकरणाचा पुढील तपास पोलीस निरीक्षक उमेश पाटील यांच्या मार्गदर्शनाखाली सपोनि ज्ञानेंद्र तिवारी करीत आहे.
संपादक :- दिपक चरणदास भगत, (विद्यांश न्यूज), मो. 9421727068
Post a Comment
0Comments