बल्लारपुरातील कलावंत भारती डुंबेरे यांचा इंडिया बुक ऑफ रेकॉर्ड प्रयत्न, १५ तास अखंड गायनाचा संकल्प (Ballarpur-based artist Bharati Dumbere attempts the 'India Book of Records'—a resolve to perform 15 hours of continuous singing.)

बल्लारपुरातील कलावंत भारती डुंबेरे यांचा इंडिया बुक ऑफ रेकॉर्ड प्रयत्न, १५ तास अखंड गायनाचा संकल्प (Ballarpur-based artist Bharati Dumbere attempts the 'India Book of Records'—a resolve to perform 15 hours of continuous singing.)

बल्लारपूर :- विदर्भातील प्रतिभावान गायिका कु. भारती डुंबेरे यांनी ‘इंडिया बुक ऑफ रेकॉर्ड’मध्ये नाव नोंदविण्याच्या उद्देशाने १५ तास अखंड गायन करण्याचा संकल्प केला आहे. हा विशेष कार्यक्रम उद्या २७ एप्रिल २०२६ रोजी सकाळी ८ वाजेपासून रात्री ११ वाजेपर्यंत गोंडराजे बल्लाळशाह नाट्यगृह, बल्लारपुर येथे आयोजित करण्यात आला आहे. माझा आवाज हीच माझी ओळख आहे या उद्देशाने त्या या उपक्रमाद्वारे बल्लारपुर शहराचे नाव उज्ज्वल करण्याचा प्रयत्न करीत आहेत. भारती डुंबेरे गेल्या सुमारे ४० वर्षांपासून संगीत क्षेत्रात सक्रिय असून विविध स्पर्धांमध्ये उत्कृष्ट कामगिरी करत त्यांनी अनेक प्रथम क्रमांक मिळवले आहेत. तसेच अनेक स्पर्धांमध्ये परीक्षक म्हणूनही त्यांनी भूमिका बजावली आहे. या सोबतच त्या उत्कृष्ट रांगोळी कलावंत असून त्यांनी अनेकवेळा आपल्या कलाकृतीचे प्रदर्शन केले आहे.

            या संदर्भात सार्वजनिक बांधकाम विभागाच्या विश्रामगृहात पार पडलेल्या पत्रकार परिषदेत भारती डुंबेरे यांनी सांगितले की, या विक्रमासाठी त्या मागील सहा महिन्यांपासून सातत्याने सराव करीत आहेत. त्यांच्या मते, हा प्रयत्न त्यांच्या दीर्घ संगीत साधनेचा परिपाक आहे. या कार्यक्रमाचे आयोजन वुमन्स पॉवर मल्टीपर्पज ऑर्गेनायझेशन, बल्लारपुर यांच्या वतीने करण्यात येत आहे. यावेळी संस्थेच्या अध्यक्षा पौर्णिमा टिपले व सचिव किरण भांबोरे उपस्थित होते. आयोजकांनी नागरिकांनी या कार्यक्रमाला मोठ्या संख्येने उपस्थित राहून या आगळ्या-वेगळ्या उपक्रमाचे साक्षीदार व्हावे, असे आवाहन केले आहे.

संपादक :- दिपक चरणदास भगत, (विद्याश न्युज), मो. 9421717068