राज्यातील प्रशासकीय अधिकाऱ्यांचा बदल्याचा धडाका कायम, राज्यातील 25 अधिकाऱ्यांच्या बदल्या (Wave of Transfers Among State Administrative Officers Continues; 25 Officers Transferred Across the State)
चंद्रपूर, नागपूर, छत्रपती संभाजीनगर, कोल्हापूर जिल्ह्याला मिळाले नवीन जिल्हाधिकारी
विनय गौडा छत्रपती संभाजीनगरचे तर वसुमना पंत चंद्रपूरच्या पहिल्या महिला जिल्हाधिकारी
मुंबई :- राज्य सरकारकडून गुरुवारी (ता.2 एप्रिल) पुन्हा एकदा प्रशासनात मोठे फेरबदल करण्यात आले आहे. सरकारने काढलेल्या आदेशात एकाच वेळी राज्यातील तब्बल 25 सनदी अधिकाऱ्यांच्या बदल्या करण्यात आल्या आहेत. यात चंद्रपूर, कोल्हापूर, नागपूर, छत्रपती संभाजीनगरला नवे जिल्हाधिकारी मिळाले आहेत. मुंबई महाराष्ट्र औद्योगिक विकास महामंडळाचे विजय राठोड यांची कोल्हापूरचे नवे जिल्हाधिकारी म्हणून नियुक्ती करण्यात आली आहे. तर कोल्हापूर महानगरपालिकेचे नवे आयुक्त डॉ. राजेंद्र भारूड तर आयुक्त मंजू लक्ष्मी यांची अतिरिक्त आयुक्त पुणे महानगर प्रदेश विकास प्राधिकरण येथे नियुक्ती करण्यात आली आहे. सांगली मनपाचे आयुक्त सत्यम गांधी यांची बदली झाली असून संजिता मोहापत्रा यांची नवे आयुक्तपदी नियुक्ती करण्यात आली आहे. तसेच कोल्हापूरचे जिल्हाधिकारी अमोल येडगे हे छत्रपती संभाजी नगर महापालिकेचे आयुक्त म्हणून बदली करण्यात आली आहे. तसेच कोल्हापूर जिल्हा परिषदेचे मुख्य कार्यकारी अधिकारी एस कार्तिकेन हे सोलापूरचे नवे जिल्हाधिकारी असणार आहेत.तर रत्नागिरीच्या सहाय्यक जिल्हा अधिकारी डॉ. जसस्मिन यांची कोल्हापूर जिल्हा परिषद मुख्य कार्यकारी अधिकारी नियुक्ती करण्यात आली आहे.
वसुमना पंत यांची चंद्रपूरच्या नव्या जिल्हाधिकारी म्हणून नियुक्ती झाली आहे. त्या नागपूर महानरपालिकेच्या अतिरिक्त आयुक्त होत्या. वसुमना पंत यांच्या रुपाने चंद्रपूरला पहिल्या महिला जिल्हाधिकारी लाभल्या आहेत. वसुमना पंत यांनी नागपूर महापालिकेच्या अतिरिक्त आयुक्त म्हणून काम करीत असताना शहर स्वच्छता, आरोग्य, घनकचरा व्यवस्थापन आणि नागरी सेवा सुधारण्यासंबंधी अतिशय उत्तम कामगिरी केली. शहरात 'डीप क्लीनिंग' मोहीम, इको-फ्रेंडली गणपती उत्सव आणि आरोग्य जागृती उपक्रम अतिशय प्रभावी पद्धतीने राबवले. सनदी अधिकारी वसुमना पंत या महाराष्ट्र केडरच्या २०१७ बॅचच्या आयएएस (IAS) अधिकारी आहेत. सध्या त्यांच्याकडे नागपूर महानगरपालिकेच्या अतिरिक्त आयुक्तपदाची जबाबदारी होती. त्यांनी दिल्ली विद्यापीठातून अर्थशास्त्रात एमए. केले असून, प्रशासकीय कारकीर्दीत जिल्हा परिषदेच्या मुख्य कार्यकारी अधिकारी, सहायक जिल्हाधिकारी, सहायक सचिव, अतिरिक्त सहायक जिल्हाधिकारी अशा अनेक महत्त्वाच्या पदांवर त्यांनी काम केले आहे.
दोनच दिवसांपूर्वीच महाराष्ट्राच्या प्रशासनातील एकाचवेळी 10 ज्येष्ठ सनदी अधिकाऱ्यांच्या बदल्या करण्यात आल्या होत्या. त्यात मुख्यमंत्र्यांच्या अतिरिक्त मुख्य आयुक्त अश्विनी भिडे यांची मुंबई महापालिका आयुक्तपदी नियुक्ती करण्यात आली होती.तर भिडे यांच्या जागी 1993 च्या बॅचच्या लोकेश चंद्रा यांची नियुक्ती करण्यात आली आहे. लोकसभा निवडणुकीपूर्वी राज्यातील 17 अधिकाऱ्यांच्या बदल्या झाल्या होत्या. 2014 च्या आयएएस बॅचचे अधिकारी व मूळचे कराड येथील असलेल्या अमोल येडगे यांची कोल्हापूरचे नवे जिल्हाधिकारी म्हणून नियुक्ती करण्यात आली होती.
1. श्री विनय गौडा जिल्हाधिकारी चंद्रपूर यांची जिल्हाधिकारी छत्रपती संभाजीनगर येथे बदली करण्यात आली आहे.
2. डॉ.प्रविणकुमार देवरे आयुक्त पशुसंवर्धन पुणे यांची जिल्हाधिकारी बुलढाणा येथे बदली करण्यात आली आहे.
3. डॉ.किरण पाटील जिल्हाधिकारी बुलढाणा यांची आयुक्त पशुसंवर्धन पुणे येथे बदली करण्यात आली आहे.
4. श्री दीपक सिंगला अतिरिक्त आयुक्त पीएमआरडीए पुणे यांची मनरेगा आयुक्त नागपूर येथे बदली करण्यात आली आहे.
5. डॉ. भारत बस्तेवाड आयुक्त मनरेगा नागपूर यांची लातूरच्या जिल्हाधिकारी येथे बदली करण्यात आली आहे.
6. डॉ.विजय राठोड जॉइंट सीईओ एमआयडीसी मुंबई यांची कोल्हापूरच्या जिल्हाधिकारी येथे बदली
7. डॉ. मंगेश गोंदवले एमडी महाराष्ट्र कृषी उद्योग विकास महामंडळ मुंबई यांची जिल्हाधिकारी गोंदिया येथे बदली करण्यात आली आहे.
8. श्री प्राजी नायर जिल्हाधिकारी गोंदिया यांची एएमसी, पुणे कॉर्पोरेशनमध्ये बदली करण्यात आली आहे
9. श्रीमती वर्षा ठाकूर-घुगे जिल्हाधिकारी लातूर यांची संयुक्त सीईओ एमआयडीसी मुंबई येथे बदली करण्यात आली आहे.
10. श्री जी श्रीकांत, एमसी, छत्रपती संभाजीनाग महानगरपालिका यांची मिशन डायरेक्टर, जल जीवन मिशन, नवी मुंबई येथे बदली करण्यात आली आहे.
11. श्री अमोल येडगे, जिल्हाधिकारी कोल्हापूर यांची एमसी, छत्रपती संभाजीनगर महानगरपालिकेत बदली करण्यात आली आहे.
12. श्री अंकित, सीईओ झेडपी, छत्रपती संभाजीनगर यांची एएमसी, नागपूर महानगरपालिकेत बदली करण्यात आली आहे.
13. श्रीमती वसुमना पंत एएमसी, नागपूर महानगरपालिका यांची जिल्हाधिकारी चंद्रपूर येथे बदली करण्यात आली आहे.
14. श्री दिलीप स्वामी जिल्हाधिकारी छत्रपती संभाजीनगर यांची एमडी एमएस सीड्स कॉर्पोरेशन अकोला येथे बदली करण्यात आली आहे.
15. श्रीमती अंजली शर्मा यांची एमसी, जालाना महानगरपालिका म्हणून नियुक्ती करण्यात आली आहे
16. श्रीमती मिन्नू सीईओ झेडपी जालना यांची सीईओ झेडपी छत्रपती संभाजीनगर येथे बदली करण्यात आली आहे.
17. श्री कृष्णकांत कंवरिया सहाय्यक.कॉ.शहादा, नंदुरबार यांची मुख्य कार्यकारी अधिकारी जि.प. जालना येथे बदली करण्यात आली आहे.
18. श्रीमती वर्षा लड्डा एमएस महाराष्ट्र कृषी संशोधन आणि शिक्षण परिषद पुणे यांची एमसी, अमरावती महानगरपालिकेत बदली करण्यात आली आहे.
19. श्रीमती के. मंजुलक्ष्मी एमसी, कोल्हापूर महानगरपालिका यांची अतिरिक्त आयुक्त पीएमआरडीए पुणे येथे बदली करण्यात आली आहे.
20. डॉ. राजेंद्र भारुड प्रकल्प संचालक, राष्ट्रीय उच्च शिक्षण अभियान (रुसा) मुंबई यांची एमसी कोल्हापूर महानगरपालिकेत बदली करण्यात आली आहे.
21. श्री सत्यम गांधी एमसी, सांगली मिरज महानगरपालिकेचे सीईओ झेडपी अमरावती यांच्याकडे बदली करण्यात आली आहे
22. श्रीमती संजीता महापात्रा सीईओ झेडपी अमरावती यांची सांगली मिरज महानगरपालिकेत बदली करण्यात आली आहे.
23. डॉ. जास्मिन, सहाय्यक महाविद्यालय राजापूर, रत्नागिरी यांची सीईओ झेडपी कोल्हापूर येथे बदली करण्यात आली आहे.
24. श्री कार्तिकेयन एस सीईओ झेडपी कोल्हापूर यांची जिल्हाधिकारी सोलापूर येथे बदली करण्यात आली आहे.
25. श्री कुमार आशीर्वाद जिल्हाधिकारी सोलापूर यांची जिल्हाधिकारी नागपूर येथे बदली करण्यात आली आहे
संपादक :- दिपक चरणदास भगत, (विद्याश न्युज), मो. 9421717068
टिप्पणी पोस्ट करा
0टिप्पण्या