बल्लारपूर शहरात ७६ वा प्रजासत्ताक दिन शहरात उत्साहात साजरा (The 76th Republic Day was celebrated with enthusiasm in Ballarpur city)

बल्लारपूर शहरात ७६ वा प्रजासत्ताक दिन शहरात उत्साहात साजरा (The 76th Republic Day was celebrated with enthusiasm in Ballarpur city)

बल्लारपूर :- ७६ वा प्रजासत्ताक दिन शहरात उत्साहात साजरा करण्यात आले. या निमित्त शहरात ध्वजारोहण सोहळा आयोजित केले होते. मुख्य शासकीय कार्यक्रम व ध्वजारोहण सोहळा येथील उपविभागीय अधिकारी व तहसील कार्यालयात पार पडला. यावेळी तहसीलदार मा. अभय गायकवाड यांच्या हस्ते ध्वजारोहण झाले. या वेळी अपर तहसीलदार रोहिणी कोकाटे, नायब तहसिलदार महेंद्र फुलझेले, नायब तहसीलदार सतिश साळवे, नायब तहसीलदार अजय मल्लेवार, निरीक्षण अधिकारी प्राजक्ता सोमलकर, पुरवठा निरीक्षक भुमिका मेश्राम, मंडळ अधिकारी किशोर नवले सह तहसील कार्यालय व उपविभागीय कार्यालयाचे अधिकारी व कर्मचारी उपस्थित होते. तसेच या वेळी चंदन सिंह चंदेल माजी अध्यक्ष वनविकास महामंडळ, माजी नगराध्यक्ष घनश्याम मुलचंदानी, माजी नगराध्यक्ष लखन सिंह चंदेल सह राजकीय पक्षांचे कार्यकर्ते, सामाजिक कार्यकर्ते, पत्रकार, पोलीस विभाग, होमगार्ड उपस्थित होते. 

           नगर परिषद कार्यालयात तसेच बल्लारपूर येथील ऐतिहासिक किल्ल्यावर नगर परिषदेचे प्रशासक तथा मुख्याधिकारी विशाल वाघ यांचे हस्ते ध्वजारोहण झाले. यावेळी उपमुख्याधिकारी रविंद्र भांडारवार, उपमुख्याधिकारी संगीता उमरे, कार्यालयीन अधिकारी, कर्मचारी, शहरातील गणमान्य व्यक्ती, माजी नगराध्यक्ष, माजी नगर सेवक, पत्रकार, शिक्षक वृंद उपस्थित होते. बल्लारपूर पोलीस स्टेशन येथे बल्लारपूर पोलीस स्टेशन चे ठाणेदार श्याम गव्हाणे यांच्या हस्ते ध्वजारोहण झाले. व्यापारी मंडळ तर्फे जुना बस स्टँड येथील गलानी कॉम्प्लेक्स येथे सादिक भाई जव्हेरी यांचे हस्ते ध्वजारोहण झाले. गांधी चौक येथे बल्लारपूर शहर काँग्रेस कमिटीचे अध्यक्ष अब्दुल करीम यांच्या हस्ते ध्वजारोहण झाले. 

               या वेळी काँग्रेस चे पदाधिकारी व कार्यकर्ते, शाळेचे विद्यार्थी मोठ्या संख्येने उपस्थित होते. भाजपा कार्यालय येथे चंदन सिंह चंदेल माजी अध्यक्ष वनविकास महामंडळ यांच्या हस्ते ध्वजारोहण झाले. या वेळी हरीश शर्मा भाजपा जिल्हा अध्यक्ष (ग्रामीण) सह भाजपा चे पदाधिकारी व कार्यकर्ते उपस्थित होते. ग्रामीण रुग्णालयाच्या मागील परिसरात शांतीनगर येथे आम आदमी पार्टीच्या वतीने ध्वजारोहन करण्यात आले तसेच बल्लारपूर येथील शासकीय निमशासकीय कार्यालय, शाळा-महाविद्यालय, सामाजिक संघटना ई प्रजासत्ताक दिनानिमित्त ध्वजारोहन करण्यात आले.

संपादक :- दिपक चरणदास भगत, (विद्याश न्युज), मो. 9421717068