ब्रेक-अप होणार म्हणून शेवटच्या भेटीसाठी प्रेयसीला बोलावले पण भेटी दरम्यान युवतीचा अपघातात मृत्यू
नेमका युवतीचा मृत्यू कशामुळे लैंगिक अत्याचार, हत्या की अपघात ? पोलीस विभागाचा तपास सुरू
संशयाच्या आधारावर ४ युवकांना ताब्यात घेतल्याची माहिती
चंद्रपूर :- चंद्रपूरमध्ये एक धक्कादायक घटना समोर आली आहे. ब्रेकअप झाल्यामुळे शेवटची भेट म्हणून प्रेयसीला भेटण्यासाठी बोलावले आणि त्याचवेळी चारचाकी कारने मुलीला धडक दिली. अपघातात प्रेयसीचा संशयास्पद मृत्यू झाला. या घटनेमुळे चंद्रपूरमध्ये खळबळ उडाली आहे. या प्रकरणी प्रियकराला पोलिसांनी ताब्यात घेतले आहे. पोलिसांनी दिलेल्याा माहितीनुसार, चंद्रपूर शहराबाहेरच्या एका खाजगी ले-आउटमध्ये शीतल मेहता नामक २० वर्षीय मुलीचा संशयास्पद अपघात झाल्याची माहिती समोर आली आणि मेहता कुटुंबियांना एकच धक्का बसला. प्रेमी युगुलात ब्रेक-अप झाल्यावर शेवटची भेट म्हणून शीतलच्या अभिषेक भटारकर नामक मित्राने शेवटचे भेटू यासाठी आग्रह धरला आणि शीतलने यासाठी तयार होत तेच निर्जनस्थळ गाठले. हे स्थळ शहराच्या बाहेर असलेल्या एका खाजगी ले-आउट मधले होते. काही तासाने अभिषेकचा तिच्या मैत्रिणीला फोन आला. यात चारचाकी वाहनाने धड़क दिल्याने ती गंभीर जखमी आहे, असा धक्कादायक निरोप मिळाला.
अभिषेकने मदतीसाठी अन्य मित्रांना बोलावून घेत जखमी शीतलला शहरातील एक खाजगी रुग्णालयात दाखल केले. पण उपचारादरम्यान तिचा मृत्यू झाला. रुग्णालय व्यवस्थापनाने नियमित प्रक्रियेनुसार मृतदेह सामान्य रुग्णालयात शवविच्छेदनाकरीता पाठविला आणि या घटनेत पोलिसांचा प्रवेश झाला. पडोली पोलीस ठाण्याच्या अधिकारी आणि पथकाने घटनास्थळाची पाहणी करत पंचनामा केला. दरम्यान घटनेवेळी सोबत असलेला मयत मुलीचा अभिषेक सध्या पोलिसांचा ताब्यात आहे. घटनास्थळी काही आक्षेपार्ह वस्तु आढळून आल्या आहेत. याच जागी पार्टी झाल्याचे पुरावे मिळाले आहेत. याशिवाय आजूबाजूच्या झाडांवर वाहन धडकल्याच्या खुणा व रक्ताचे डाग देखील आहेत. असे असले तरी पोलीस सर्व बाजूनी तपास करत आहेत. हा बलात्कार, खून की अपघात याबाबत तर्कवितर्क लावले जात आहेत. या प्रकरणात मयत मुलीच्या नातेवाईकांनी ही हत्या असल्याचा आरोप करत या संशयास्पद घटनेचा गांभीर्याने तपास करण्याची मागणी केली आहे. पोलिसांनी योग्य तपास केल्या यातून सत्य बाहेर येईल अशी अपेक्षा त्याने व्यक्त केली आहे. हे प्रेमी जोडपे या निर्जन जागी बसले असताना वेगाने आलेल्या बोलेरो गाडीने नेमके मुलीला धडक देत गाडी पसार झाल्याचे प्रथमदर्शनी दिसत असल्याची माहिती या प्रकरणात घटनास्थळावर पोहोचलेल्या पडोली पोलीस ठाण्याचे पोलीस निरीक्षक महेश कोंडावार यांनी दिली आहे. वरिष्ठ अधिकारी अणि फॉरेंसिक पथकाने घटनास्थळाची पाहणी केली. घटनेतील सर्व पुरावे हाती घेण्यात आले असून घटनेचा अधिक तपास सुरू आहे. विशेष म्हणजे पडोली पोलिसांनी संशयाच्या आधारे ४ युवकांना ताब्यात घेतल्याचे वृत्त असून बोलेरो वाहनाचा चालक स्वतः पोलीस स्थानकात उपस्थित झाल्याचे माहिती विश्वसनीय सूत्राकडून प्राप्त झाली आहे.
संपादक :- दिपक चरणदास भगत, (विद्यांश न्युज), मो.9421717068
टिप्पणी पोस्ट करा
0टिप्पण्या