प्रेमसंबंधातून चंद्रपुरात हत्या, नागपुरातील हिंगण्यात दफन करून पुरावा नष्ट करण्याचा प्रयत्न, आरोपी शहर पोलिसांच्या अटकेत (Murder in Chandrapur stemming from a romantic relationship; attempt made to destroy evidence by burying the body in Hingna, Nagpur—accused now in the custody of the city police.)
दरम्यान, १७ ऑक्टोबर रोजी संतोष स्वतः चंद्रपूर शहर पोलीस ठाण्यात हजर झाला आणि त्याने घटनेची माहिती दिली. त्यानंतर पोलिसांनी तातडीने तपासाची चक्रे फिरवली. चंद्रपूर शहर पोलिसांचे पथक हिंगणा येथे पोहोचले. कार्यकारी दंडाधिकारी तथा तहसीलदार यांच्या उपस्थितीत पंचनामा करून जमिनीत पुरलेला मृतदेह बाहेर काढण्यात आला. मृतदेहाची ओळख पटविण्यात आल्यानंतर तो उत्तरीय तपासणीसाठी चंद्रपूर येथील जिल्हा सामान्य रुग्णालयात पाठविण्यात आला.या प्रकरणी आरोपीविरुद्ध भारतीय न्याय संहिता (बीएनएस) कलम १०३(१) आणि २३८ अन्वये गुन्हा दाखल करण्यात आला आहे. पोलिसांनी आरोपीला अटक केली असून, पुढील तपास सुरू आहे. या प्रकरणी पोलिसांनी आरोपी संतोष साखरकर (४९, रा. तुकूम, चंद्रपूर) याला अटक केली आहे. पोलीस अधीक्षक आयुष नोपाणी, अपर पोलीस अधीक्षक ईश्वर कातकडे आणि उपविभागीय पोलीस अधिकारी प्रमोद चौगुले यांच्या मार्गदर्शनाखाली पोलीस निरीक्षक शाम गव्हाणे, सहायक पोलीस निरीक्षक युवराज सहारे तसेच पोलीस हवालदार राकेश फुकट आणि पोलीस अंमलदार मोरेश्वर शिंदे, रोशन भोईंकर व लीना काठवले यांनी ही कारवाई केली.
संपादक :- दिपक चरणदास भगत, (विद्यांश न्युज), मो. 9421717068
0 टिप्पण्या