बल्लारपूर शहरातील अतिक्रमणां विरोधात कायद्याचा बुलडोझर चालणार की अतिक्रमण मोहीम फार्स ठरणार ? (Will the law bulldozer work against encroachments in Ballarpur city or will the encroachment campaign be a farce?)
बल्लारपूर :- बल्लारपूर नगर परिषदेने शहरातील वाढते अतिक्रमण ६ एप्रिलपूर्वी हटवण्याचा कडक इशारा दिला आहे. शहर प्रशासनाने एक प्रसिद्धीपत्रक जारी करून जाहीर केले आहे की, नागरिकांनी जर अतिक्रमण स्वतःहून हटवले नाही, तर कोणतीही पूर्वसूचना न देता ते मालमत्तेसह हटवले जाईल आणि या कारवाईत आलेला सर्व खर्च अतिक्रमण धारकांकडून वसूल केला जाईल. बल्लारपूर शहरात अतिक्रमणात लक्षणीय वाढ झाली असून, त्यामुळे वाहतुकीची गंभीर समस्या निर्माण झाली आहे. दररोज अपघात होत असून, निष्पाप नागरिक विनाकारण मृत्युमुखी पडत आहेत. याबाबत नगर प्रशासनाकडे दररोज तक्रारी येतात. हे लक्षात घेण्यासारखे आहे की, अलीकडेच शहरातील पत्रकार श्री. राहुल गायकवाड यांनी प्रशासनाचे लक्ष वेधण्यासाठी उपोषण केले होते. उशीर झाला असला तरी, नगरपालिकेने अखेर या प्रकरणाची दखल घेतली आहे. पालिकेने म्हटले आहे की, बल्लारपूर शहरातील वाहतूक, रस्ते, सार्वजनिक ठिकाणे आणि गटारांवरील सर्व प्रकारची अतिक्रमणे ६ एप्रिलपूर्वी स्वतःच्या खर्चाने हटवावीत. अन्यथा कायदेशीर कारवाई करण्यात येणार असल्याचे स्पष्ट केले. अतिक्रमण हटवताना समान न्याय मिळणार की केवळ लहान व्यापाऱ्यावर कारवाई होऊन अतिक्रमण मोहीम फार्स तर ठरणार नाही अशा शंका कुशंका व्यक्त करण्यात येत आहे.
संपादक :- दिपक चरणदास भगत, (विद्याश न्युज), मो. 9421717068
टिप्पणी पोस्ट करा
0टिप्पण्या