बल्लारपूर शहरात प्रसूती दरम्यान रुग्णालयात माता आणि नवजात बाळाचा दुर्दैवी मृत्यू (Tragic death of a mother and newborn baby during delivery at a hospital in Ballarpur city.)
या संदर्भात अधिक माहिती नुसार बल्लारपूर शहरातील महिलांच्या प्रसूतीसाठी प्रसिद्ध असलेले गणपती वॉर्ड परिसरातील येथे एका मोठ रुग्णालय आहे. दरम्यान या रुग्णालयात नीलमकुमारी रणजीत कुमार सिंग रा.पटना, बिहार यांना २२ सप्टेंबर रोजी प्रसूतीसाठी दाखल करण्यात आले. पहाटे ३ च्या सुमारास त्यांना प्रसुती वेदना सुरू झाल्यावर डॉक्टरांनी प्रसुतीची प्रक्रिया पूर्ण केली. पहाटे ५ च्या सुमारास प्रसूती झाली. पण उपचारा दरम्यान नवजात बाळ काही वेळाने दगावले. आणि प्रसूत मातेचाही दुदैवी मृत्यू झाला. घटनेनंतर मृतक माता आणि मृतक नवजात बालकाचे शव बल्लारपूर पोलिसांनी शवविच्छेदन करण्यासाठी चंद्रपूर जिल्हा सामान्य रुग्णालयात पाठवले आहे. शवविच्छेदना नंतर बिहार येथील पटना येथे दोन्ही दुर्देवी माता आणि नवजात बालकाचा अंत्यसंस्कार करण्यात येणार असल्याची माहिती आहे. या संबंधाने सदर प्रतिनिधीने संबंधित रुग्णालयास भेट देऊन अधिकची माहिती घेतली असता तेथील उपस्थित महिला वैद्यकीय अधिकारी यांनी घटनाक्रम सांगितला. प्रसूती मातेची बीपी अधिक लो झाल्याने तथा नवजात बाळा भोवती नाळेचा फास आवळला गेल्याने आम्ही प्रयत्न करूनही दोघांना वाचवू शकलो नाही, विशेष म्हणजे यावेळी चंद्रपुरातून दोन तज्ञ डॉक्टरांना बोलावले, आवश्यक ते सर्व प्रयत्न केले. पण आम्हाला त्यांचा जीव वाचवता आला नसल्याची प्रतिक्रिया त्यांनी दिली. पोलीस निरीक्षक बिपिन इंगळे यांच्या मार्गदर्शनाखाली बल्लारपूर पोलीस या प्रकरणाचा तपास करीत आहेत.
संपादक :- दिपक चरणदास भगत, (विद्याश न्युज), मो. 9421717068
0 टिप्पण्या