धक्कादायक ! लाडकी बहीण योजना ठरतेय जीवघेणी, तू 'लाडक्या बहिण योजनेत नाव नसल्यामुळे पतीने केली बेल्टने मारहाण (Shocking! Ladki Bhaini Yojana is becoming life-threatening, husband beats you with a belt because your name is not in the 'Ladki Bhaini Yojana')
अमरावती :- तुझ्या चुकीमुळे तुझे आधारकार्ड निघाले नाही. परिणामी अख्ख्या महिलांना १५०० रुपये प्रतिमहिना मिळत असताना तू मात्र त्या योजनेच्या लाभापासून वंचित आहेत. परिणामी, तुझे नव्हे तर माझे मोठे नुकसान होत असल्याचा निष्कर्ष काढत एका मद्यपी पतीने पत्नीस बेल्टने बेदम मारहाण केली. नांदगाव खंडेश्वर तालुक्यातील सार्सी येथे ३ नोव्हेंबर रोजी रात्री आठच्या सुमारास ती घटना घडली. याप्रकरणी लोणी पोलिसांनी आरोपी पती आकाश (२८) याच्याविरुद्ध मारहाणीचा गुन्हा दाखल केला. एफआयआर नुसार, पीडितेचा आणि आरोपी आकाशचा सुमारे दीड वर्षापूर्वी विवाह झाला आहे. लग्नानंतर तक्रारदार पत्नीने नवीन आधारकार्ड काढण्यासाठी आणि त्यावर पतीचे नाव नोंदवण्यासाठी अनेक वेळा प्रयत्न केले, परंतु तांत्रिक अडचणींमुळे तिचे नवीन आधारकार्ड तयार झाले नाही. यामुळे तिला 'मुख्यमंत्री माझी लाडकी बहीण' योजनेच्या लाभासाठी नोंदणी करता आली नाही, त्यामुळे ती दरमहा मिळणाऱ्या १५०० रुपयांच्या आर्थिक मदतीपासून वंचित राहिली. गावातील इतर महिलांना या योजनेचा लाभ मिळत असताना, पत्नीला मदत न मिळाल्याने आरोपी पती आकाश वारंवार पत्नीवर संताप व्यक्त करत होता तशातच ती अमरावतीहून परत् आल्यानंतर त्याने पुन्हा एकदा पत्नीशी वाद घातला. याप्रकरणी लोणी पोलिसांनी ४ नोव्हेंबर रोजी दुपारी आरोपी आकाशविद्ध गुन्हा दाखल केला.
काय घडले नेमके ? फिर्यादी महिला अमरावतीला दवाखान्यात गेली होती. ३ नोव्हेंबर रोजी रात्री आठच्या सुमारास ती सार्सी येथे परतली असता आरोपी पती हा दारू पिऊन घरी आला. तुझ्यामुळेच तुझे आधार कार्ड निघालेले नाही. त्यामुळे तुला लाडकी बहीण योजनेचा लाभ मिळत नाही. तसेच १५०० रुपये प्रतिमहिना रक्कम मिळत नसल्याने माझे नुकसान होत आहे, असे तो बरळला. याशिवाय त्याने पत्नीला शिवीगाळ केली. मद्यधुंद अवस्थेत त्याने पत्नीला कमरेच्या बेल्टने पाठीवर डाव्या बाजूला, डाव्या पायावर व मांडीवर बेदम मारहाण केली. तथा मारण्याची धमकी दिली. पुढील तपास सहायक पोलिस उपनिरीक्षक प्रमोद गिरडकर हे करीत आहेत. रुपयांच्या आर्थिक मदतीपासून वंचित राहिली. गावातील इतर महिलांना या योजनेचा लाभ मिळत असताना मात्र पत्नीला मदत न मिळाल्याने आरोपी पती आकाश वारंवार पत्नीवर संताप व्यक्त करत होता तशातच ती अमरावतीहून परत् आल्यानंतर त्याने पुन्हा एकदा पत्नीशी वाद घातला. याप्रकरणी लोणी पोलिसांनी ४ नोव्हेंबर रोजी दुपारी आरोपी आकाशविद्ध गुन्हा दाखल केला.
संपादक :- दिपक चरणदास भगत, (विद्याश न्युज), मो. 9421717068
टिप्पणी पोस्ट करा
0टिप्पण्या