धक्कादायक ! राजे अंबरीशराव आत्राम यांच्या सूरक्षा रक्षकाने केली स्वतः गोळी झाडून आत्मह्त्या
गडचिरोली :- माजी राज्यमंत्री तथा गडचिरोलीचे माजी पालकमंत्री अंब्रिशराव आत्राम यांच्या सुरक्षा रक्षकाने आत्महत्या केल्याची घटना घडली आहे. त्याने सर्व्हिस रिव्हॉल्व्हरमधून गोळी झाडून आत्महत्या केली. ही घटना सोमवारी सकाळी १० वाजताच्या सुमारास अहेरी येथील 'रुक्मिणी महल' या अंब्रिशराव यांच्या बंगल्याच्या आवारात घडली. हितेश भैसारे (अंदाजे ३७ वर्ष) असे मृत सूरक्षा रक्षकाचे नाव असून ते अहेरी येथील प्राणहिता पोलीस उपमुख्यालयात पोलीस नायक म्हणून कार्यरत होते. रुक्मिणी महल येथे कर्तव्यावर असताना त्यांनी आपल्या छातीवर गोळी झाडून घेतल्याचे सांगण्यात येते. त्यामुळे ते तिथेच कोसळून मरण पावले. माहिती मिळताच पोलिसांनी तिकडे धाव घेतली. दरम्यान भैसारे यांनी घरगुती कारणातून आत्महत्या केल्याची शक्यता उपविभागीय पोलीस अधिकारी अमोल ठाकूर यांनी प्रसार माध्यमांशी बोलताना व्यक्त केली. नेमक सदर प्रकरण म्हणजे आत्महत्या की हत्या याबाबत अनेक तर्क वितर्कांना उधाण आले असून सखोल तपासांती सत्य उघडकीस होईलच.
संपादक :- दिपक चरणदास भगत, (विद्यांश न्यूज), मो. 9421717068
टिप्पणी पोस्ट करा
0टिप्पण्या